L-għarfien tiegħek tal-Malti huwa fqir, mhux il-Malti!

"X’qalulek: Il-Malti fqir! X’għandek tgħidilhom: L-għarfien tiegħek tal-Malti huwa fqir, mhux il-Malti!" Kemm hu fqir il-Malti. M’hemmx kelma għal dik u l-oħra. L-għ bla sens. L-h żejda. Il-grammatika wisq diffiċli. Ir-regoli bla loġika. Kemm fih inkonsistenzi! Għaliex lingwa u mhux ilsien? Dak kollu li għadek ma tafx, li għadek ma fhimtx jew li sempliċement ma jinteressakx (għax l-iskop tal-kumment li ħallejt fuq Facebook kien purament biex taqla’ xi ġiex likes u tħossok ivvalidat) kollu ser jidher diffiċli. Aqra u ifhem sewwa r-regoli, fittex fid-dizzjunarju, ħu interess u aġġorna ruħek, aċċetta li l-lingwa għandha timxi maż-żmien u tara kif kollox isib postu f’moħħok.